Create your Account
എത്തിക്സ് കമ്മിറ്റിയുടെ റിപ്പോര്ട്ട് ലോക്സഭയില്; ചര്ച്ച
![top-news](https://jananeethi.com/public/uploads/images/newsimages/maannewsimage08122023_095745_mahu-1200x630.jpg)
- Aswathi K
- 08 Dec, 2023
പാര്ലമെന്റില് ചോദ്യം ഉന്നയിക്കാന് കോഴ വാങ്ങിയെന്ന ആരോപണത്തില് തൃണമൂല് കോണ്ഗ്രസ് എംപി മഹുവ മൊയ്ത്രയ്ക്കെതിരായ എത്തിക്സ് കമ്മിറ്റി റിപ്പോര്ട്ടില് ലോക്സഭയില് ചര്ച്ച. റിപ്പോര്ട്ട് പരിഗണിക്കാനുള്ള പ്രമേയം പാര്ലമെന്ററികാര്യ മന്ത്രി അവതരിപ്പിച്ചു. റിപ്പോര്ട്ടിനെ എതിര്ത്ത് കോണ്ഗ്രസ് എംപിമാര്. ശിക്ഷ നിര്ദേശിക്കാന് എത്തിക്സ് കമ്മിറ്റിക്ക് അധികാരമില്ലെന്ന് മനീഷ് തിവാരി പറഞ്ഞു. പ്രതിപക്ഷ പ്രതിഷേധത്തിനിടെ എത്തിക്സ് കമ്മിറ്റി അധ്യക്ഷന് വിനോദ് സോണ്കറാണ് റിപ്പോര്ട്ട് സഭയില്വച്ചത്. പാര്ട്ടി എംപിമാരോട് നിര്ബന്ധമായും ഹാജരാകാന് നിര്ദേശിച്ച് ബിജെപി വിപ്പ് നല്കിയിട്ടുണ്ട്. പാര്ലമെന്റില് ചോദ്യം ഉന്നയിക്കാന് വ്യവസായിയായ ദര്ശന് ഹിരാനന്ദാനിയില് നിന്ന് പണവും പാരിതോഷികങ്ങളും മഹുവ കൈപ്പറ്റിയെന്നും മഹുവയുടെ പാര്ലമെന്റ് ലോഗിന് െഎഡിയും പാസ്വേര്ഡും ദുരുപയോഗം ചെയ്യപ്പെട്ടുവെന്നുമാണ് ആരോപണം. ആരോപണങ്ങള് ശരിവച്ച എത്തിക്സ് കമ്മറ്റി കേന്ദ്ര ഏജന്സികളുടെ അന്വേഷണത്തിനാണ് ശുപാര്ശ ചെയ്തത്.
Leave a Reply
Your email address will not be published. Required fields are marked *