Create your Account
ഉറങ്ങാതെ കേരളം; രേഖാചിത്രം പുറത്തുവിട്ട് പൊലിസ്.
![top-news](https://jananeethi.com/public/uploads/images/newsimages/maannewsimage28112023_045019_girlwb.jpg.image.624.325.jpg)
- Aswathi K
- 28 Nov, 2023
കൊല്ലം ഓയൂരില് നിന്ന് തട്ടിക്കൊണ്ടുപോയ ആറുവയസുകാരിയെ 14 മണിക്കൂര് പിന്നിട്ടിട്ടും കണ്ടെത്താനായില്ല. സംസ്ഥാനവ്യാപകമായ തിരച്ചില് തുടരുകയാണ്. പ്രതിയുടേതെന്ന് സംശയിക്കുന്ന രേഖാചിത്രം പൊലീസ് പുറത്തുവിട്ടു. കൊല്ലത്ത് ഐ.ജി ഉള്പ്പെടെ ഉന്നത പൊലീസ് ഉദ്യോഗസ്ഥര് നേരിട്ട് തിരച്ചിലിന് നേതൃത്വം നല്കുന്നു.
പ്രതികള് ഫോണ് ചെയ്യാനെത്തിയ കടയിലെ ആളുകള് നല്കിയ വിവരത്തിന്റെ അടിസ്ഥാനത്തിലാണ് രേഖാചിത്രം. പ്രതികളെക്കുറിച്ച് സൂചന ലഭിച്ചതായി ഐ.ജി ജി.സ്പര്ജന്കുമാര് വ്യക്തമാക്കി. തട്ടിക്കൊണ്ടുപോയവരെന്ന് സംശയിക്കുന്നവര് ഇന്നലെ വൈകിട്ട് രണ്ടുതവണ കുട്ടിയുടെ വീട്ടിലേക്ക് വിളിച്ചിരുന്നു. ആദ്യം അഞ്ചുലക്ഷം രൂപയും രണ്ടാമത് 10 ലക്ഷം രൂപയും മോചനദ്രവ്യം ആവശ്യപ്പെട്ടു.
Leave a Reply
Your email address will not be published. Required fields are marked *