അഖിലേന്ത്യാ പെർമിറ്റിന്റെ മറവിൽ സംസ്ഥാനത്തെ ദീർഘദൂരപാതകൾ കൈയടക്കാനുള്ള അന്തഃസംസ്ഥാന ബസ് ലോബിയുടെ നീക്കത്തിനുള്ള തിരിച്ചടിയായാണ് ഈ വിധിയെ കെ.എസ്.ആർ.ടി.സി. അധികൃതർ കാണുന്നത്.റോബിൻ ബസ്സുടമയെ അന്യായമായി വേട്ടയാടുന്നെന്ന ആക്ഷേപമാണ് മോട്ടോർവാഹനവകുപ്പിന് നേരിടേണ്ടിവന്നത്. സാമൂഹികമാധ്യമങ്ങളിലും രൂക്ഷവിമർശനം ഉയർന്നിരുന്നു. ഹൈക്കോടതിവിധി റോബിൻ കേസിലെ നിയമനടപടികളെ ശരിവെക്കുന്നു.ടൂറിസ്റ്റ് ബസുകളുടെ അതിർത്തികടന്നുള്ള സുഗമമായ യാത്രയ്ക്കുവേണ്ടി കേന്ദ്രസർക്കാർ ഇറക്കിയ നിയമം ദുർവ്യാഖ്യാനംചെയ്ത് മുതലെടുക്കാനുള്ള ശ്രമമാണ് നടന്നതെന്ന് ഗതാഗത സെക്രട്ടറി ബിജു പ്രഭാകർ കുറ്റപ്പെടുത്തി.