Create your Account
വെന്തുരുകി കേരളം; നാല് ജില്ലകളില് ഉഷ്ണതരംഗ മുന്നറിയിപ്പ്.
![top-news](https://jananeethi.com/public/uploads/images/newsimages/maannewsimage03052024_053706_heat-jae.jpg)
- Aswathi K
- 03 May, 2024
സംസ്ഥാനത്ത് കൊടും ചൂട് തുടരുന്നു. ആലപ്പുഴ, പാലക്കാട്, തൃശൂർ, കോഴിക്കോട് ജില്ലകളിൽ ഇന്നും ഉഷ്ണതരംഗ മുന്നറിയിപ്പ് പുറപ്പെടുവിച്ചിട്ടുണ്ട്. തിങ്കളാഴ്ച വരെ പാലക്കാട് ജില്ലയില് 40 ഡിഗ്രി സെല്സ്യസോളം ചൂട് ഉയര്ന്നേക്കാം. കൊല്ലം, തൃശൂർ, കോഴിക്കോട് ജില്ലകളിൽ ഉയർന്ന താപനില 39 ഡിഗ്രി സെൽസ്യസ് വരെയും, ആലപ്പുഴ, കോട്ടയം, പത്തനംതിട്ട, കണ്ണൂർ ജില്ലകളിൽ 38 ഡിഗ്രി സെൽഷ്യസ് വരെയുമായിരിക്കും. തിരുവനന്തപുരം, എറണാകുളം, മലപ്പുറം, കാസർഗോഡ് ജില്ലകളിൽ 37 ഡിഗ്രി സെൽസ്യസിലേക്ക് ചൂട് ഉയരും. ഇത് സാധാരണയെക്കാൾ 3 മുതല് 5 ഡിഗ്രി സെൽസ്യസ് കൂടുതലാണ്. ഒറ്റപ്പെട്ട മഴക്കും ഇടിമിന്നലിനും സാധ്യതയുണ്ട്. താപതരംഗം നിലനില്ക്കുന്ന സാഹചര്യത്തില് സംസ്ഥാനത്തെ പ്രഫഷണല് കോളജുകളും മെഡിക്കല് സ്ഥാപനങ്ങളുമുള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും തിങ്കളാഴ്ച വരെ അവധി പ്രഖ്യാപിച്ചു. മുന്കൂട്ടി നിശ്ചയിച്ച പരീക്ഷകള്ക്ക് മാറ്റമുണ്ടാകില്ല
Leave a Reply
Your email address will not be published. Required fields are marked *